Disfrutá Di Kòrsou Su Muzik Di Pasku Vibrante!

Disfrutá Di Kòrsou Su Muzik Di Pasku Vibrante!

Banda di tur e kumindanan dushi ku ta sali for di kushina durante e temporada di Pasku na Kòrsou, e kayanan tambe ta den e ambiente di Pasku i no ta pa motibu di e dekorashonnan so. E muzik di Pasku ta yena e aire i na Kòrsou e ta haña un giro spesial.

E ta un giro spesial pasobra na Kòrsou tin géneronan musikal ku ta wòrdu toká spesífikamente pa e festividatnan di fin di aña. Esakinan ta Aguinaldos, Gaita i Tambú.

Aguinaldos i Gaita ta géneronan di muzik di Pasku ku Kòrsou a heredá di Venezuela. Nan ta wòrdu toká ku instrumentonan típiko manera e kuarta (un kitara chikí ku kuater kuèrdè), maraka, kitara, flùit di gaita, tamburín i drùmnan. Den luna di desèmber tin diferente fiesta i tokamentu di Aguinaldos i Gaita.  

Mientras ku Aguinaldos i Gaita a bini Kòrsou for di Venezuela, e Tambú ta un género ku a wòrdu kreá na Kòrsou mes. E tambe ta wòrdu toká ku instrumentonan típiko, kual ta e tambú afrikano ku tin e nòmber Tambú i e Chapi (e parti di heru di un chapi di kurá). El a wòrdu kreá dor di e katibunan afrikano pa ekspresá nan dolónan durante e tempu di sklabitut. Awendia e temanan na un tokamentu di Tambú sa varia di redashi te krítika di kuestionnan sosial den sosiedat. Den luna di desèmber tin diferente fiesta i tokamentu di Tambú.  

Pues keda atento pa e selebrashonnan musikal aki durante e temporada di Pasku. Esaki ta un motibu mas dikon Kòrsou ta asina dushi.